నాకు సీఎం చంద్రబాబు బంధువు. నా కొడుక్కి జగ’న్ బంధువు. నన్నెవరూ ఏమీ చేయలేరు రాష్ట్రంలో. ఇదీ మోహన్ బాబు దీమానా? అంటే అవున’నే. తాజాగా ఒక కిడ్నాప్ కేసు కలకలం చిత్తూరు జిల్లా ప్రాంతంలో చెలరేగుతోంది. దీంతో మోహన్ బాబు యూనివర్శిటీ మళ్లీ వివాదంలో చిక్కుకుంది. మోహన్ బాబు రాజకీయ జీవితం ఎలాంటిది? ఆయనకు చంద్రబాబుకు ఉన్న బంధుత్వమేంటి? ఆయన కొడుకు విష్ణుకు ఉన్న జగన్ బంధుత్వం ఎలాంటిది? చిన్న కొడుకుకు టీడీపీతో ఉన్న రిలేషనేంటని చూస్తే.. మోహన్ బాబు తన రాజకీయ ప్రస్థానాన్ని తెలుగుదేశం పార్టీతో చూపిస్తున్నారు.
రాజ్యసభ సభ్యుడిగా: ఎన్టీఆర్ పిలుపుతో పార్టీలో చేరిన ఆయన, 1995 నుండి 2000 వరకు రాజ్యసభ సభ్యుడిగా పనిచేశారు. ఒకప్పుడు చంద్రబాబుకు అత్యంత సన్నిహితుడిగా, హెరిటేజ్ ఫుడ్స్ లో భాగస్వామిగా ఉన్న మోహన్ బాబు, తర్వాత విభేదించారు. ప్రభుత్వంపై అవినీతి ఆరోపణలు చేస్తూ పార్టీకి దూరమయ్యారు.2019 ఎన్నికల సమయంలో తన విద్యాసంస్థలకు ఫీజు రీఎంబర్స్ మెంట్ బకాయిలు టీడీపీ ప్రభుత్వం చెల్లించలేదంటూ రోడ్డెక్కారు మోహన్ బాబు.
వైఎస్ జగన్ మోహన్ రెడ్డికి మద్దతుగా ప్రచారం చేశారు. అయితే, ఆ తర్వాత జగన్ ప్రభుత్వంతోనూ విద్యాసంస్థల బకాయిల విషయంలో కొంత సమస్య తలెత్తింది.. దీంతో ఆయన అటు ఇటు గాని పరిస్థితిగా ఉన్నారు. ఒక టైంలో మోడీని వెళ్లి కలిసి.. బీజేపీలో చేరుతారన్న ప్రచారం కూడా జరిగింది. కానీ ఎందుకో స్తబ్దుగా ఉండిపోయింది మంచువారి కుటుంబం. చంద్రబాబుతో ఉన్న బంధుత్వం ఏపాటిదో చూస్తే మోహన్ బాబు, చంద్రబాబు కేవలం రాజకీయ మిత్రులు మాత్రమే కాదు, వీరి మధ్య సన్నిహిత సంబంధాలు ఉన్నాయి. వీరిద్దరూ చిత్తూరు జిల్లాకు చెందినవారవ్వడం, ఒకే సమయంలో తమ కెరీర్లను ప్రారంభించడం వల్ల వీరి మధ్య స్నేహం ఎంతో పురాతనమైనది.
ఇక బంధుత్వం విషయానికి వస్తే నేరుగా రక్త సంబంధం లేదు, మోహన్ బాబు చంద్రబాబును తన ఆత్మీయ మిత్రుడు అని సంబోధిస్తారు. చంద్రబాబు సోదరుడు నారా రామ్మూర్తి నాయుడు, మోహన్ బాబు కుటుంబాల మధ్య మంచి సాన్నిహిత్యం ఉండేది. ఇక మంచు విష్ణు వైఎస్ జగన్ బంధుత్వం ఎలాంటిదో ప రిశీలిస్తే.. మంచు విష్ణుకు వైఎస్ జగన్ మోహన్ రెడ్డి కుటుంబంతో నేరుగా బంధుత్వం ఉంది. విష్ణు భార్య విరానికా రెడ్డి వైఎస్ రాజశేఖర్ రెడ్డి తమ్ముడు వైఎస్ సుధాకర్ రెడ్డి కుమార్తె. విరానిక రెడ్డి జగన్ కు కజిన్ సిస్టర్ అవుతుంది. అంటే మంచు అవుతా విష్ణు జగన్ కి బావమరిది. ఈ బంధుత్వం వల్లే మోహన్ బాబు కుటుంబం వైసీపీకి దగ్గరైంది. మంచు విష్ణు కూడా జగన్ ను బావగా పిలుస్తారు.
ఇదిలా ఉంటే మోహన్ బాబు చిన్న కుమారుడికి కూడా భూమా వారి కుటుంబంతో బంధుత్వముంది. ప్రస్తుతం టీడీపీ ఎమ్మెల్యేగా ఉన్న అఖిల ప్రియ సోదరి భూమా మౌనిక రెడ్డిని పెళ్లాడారు మంచు మనోజ్. మౌనిక రెడ్డి తల్లిదండ్రులు భూమా నాగిరెడ్డి, శోభానాగిరెడ్డి. కావటంతో కర్నూలు తీసిన ఆళ్లగడ్డ, నంద్యాల ప్రాంతాలతో బలమైన సంబంధముంది. బేసిగ్గా.. చంద్రబాబుతో తన సాన్నిహిత్యంతో పాటు మోహన్ బాబు కుమారుల్లో పెద్ద కొడుక్కు వైసీపీతో, చిన్న కొడుకుకు టీడీపీతో సంబంధ బాంధవ్యాలుండడంతో మమ్మల్ని ఎవరూ ఏమీ చేయలేరురా అంటూ అరుంధతి సినిమా డైలాగ్ ని తలపిస్తోంది.
ఈ ప్రాంతంలో గానీ హైదరాబాద్లో గానీ వీరి ఆగడాలకు ఒక అంతంటూ ఉండదు. మొన్నా మధ్య ప్రముఖ న్యూస్ చానెల్ రిపోర్టర్ పై దాడి చేశారు మోహన్ బాబు. ఆపై ఆయన ఇద్దరి కొడుకుల మధ్య గల ఆస్తి తగాదాల సంగతి సరే సరి. ఐటీవలి కాలంలో వరుస వివాదాలు, కేసులు, ఆయుధాల అప్పగింత వంటి ఎన్నో ఎపిసోడ్లు వెబ్ సీరీస్ ని తలపించాయి. తెర మీదే కాకుండా తెర బయట కూడా సినిమా ఫక్కీ సీన్లు నడిపించడం మంచు ఫ్యామిలీ మార్క్ స్టైల్గా చెబుతారు చాలా మంది.
