కార్పొరేషన్ మేయర్లు, మునిసిపల్ చైర్మన్ ల రిజర్వేషన్లు ఖరారు | కార్పొరేషన్‌లో రిజర్వేషన్లను నిర్ధారించిన తెలంగాణ ప్రభుత్వం| మేయర్| మునిసిపల్

పోస్ట్ చేయబడింది జనవరి 17, 2026 1:31PM

కార్పొరేషన్ మేయర్లు, మున్సిపల్ ఛైర్‌పర్సన్‌ల రిజర్వేషన్లను తెలంగాణ ప్రభుత్వం ఖరారు చేసింది. రాష్ట్రంలోని 121 మున్సిపాలిటీల్లో ఎస్టీలకు 5, ఎస్సీలకు 17, బీసీలకు 38 మున్సిపల్ ఛైర్‌పర్సన్ పదవులు కేటాయించారు. అలాగే మహిళలకు 50 శాతం రిజర్వేషన్లు వర్తిస్తాయి.

ఈ మేరకు మున్సిపల్ శాఖ డైరెక్టర్ శ్రీదేవి శనివారం (జనవరి 17) ఉత్తర్వులు జారీ చేశారు. ఇక కార్పొరేషన్ చైర్మన్లకు ఈ విధంగా ఖరారు చేసిన రిజర్వేషన్లు. కొత్తగూడెం కార్పొరేషన్‌ ఎస్టీ జనరల్, రామగుండం కార్పొరేషన్‌కు ఎస్సీ జనరల్, మహబూబ్ నగర్ కార్పొరేషన్ బీసీ మహిళ, మంచిర్యాల కార్పొరేషన్ బీసీ జనరల్, కార్పొరేషన్ జనరల్ బీసీ, జీహెచ్‌ఎంసీ మహిళ జనరల్, గ్రేటర్ వరంగల్ జనరల్, ఖమ్మం, నల్గొండ, నిజామాబాద్ కార్పొరేషన్లలో మహిళ జనరల్‌ను ఖరారు చేశారు.