జగన్ చేసి కూడా చెప్పుకోలేకపోయిన పనులేంటో తెలుసా? | అవును జగన్ ఈ పనులు చెప్పడంలో విఫలమయ్యాడు| ఋషికాండ| రాజభవనం| ఖర్చు| ఎలుక| క్యాచ్| రంగులు| ycp

డిసెంబర్ 29, 2025 2:10PMన పోస్ట్ చేయబడింది

ఆంధ్రప్రదేశ్ మాజీ ముఖ్యమంత్రి వైఎస్ జగన్మోహన్ రెడ్డి గత అసెంబ్లీ ఎన్నికలలో తమ పార్టీ పరాజయానికి ప్రధాన కారణం తన హయాంలో జరిగిన మేలు ప్రజలకు చెప్పుకోవడంలో విఫలం కావడమేనని తరచూ చెబుతుంటారు. తన ఓటమికి కారణం ఆ చెప్పుకోలేకపోవడమేనని నమ్ముతుంటారు.

ఇంతకీ ఆయన హయాంలో చేసి కూడా చెప్పుకోలేకపోయినవి ఏమిటి? అంత చేసీ ఎందుకు చెప్పుకోలేకపోయారు అన్న విషయంపై సామాజిక మాధ్యమంలో ఓ స్థాయిలో డిబేట్ జరుగుతోంది. నిజానికి ఆయన అరకొరగా అమలు చేసిన సంక్షేమ కార్యక్రమాలకు అంతకు వందల ప్రచారం చేశారు. జగ‌న్ చేసిన సంక్షేమ ప‌థ‌కాల ప్ర‌చారానికి ప్రత్యేకంగా ఒక నెట్ వర్కే ఉండేది. ఏపీడీసీ వంటి సంస్థలు కూడా ఆ నెట్ వర్కకలో ఉండేది. ఏపీసీని జగన్ ఆంధ్రప్రదేశ్ డిజిటల్ కార్పొరేషన్ (ఏపీడీసీ)గా పేరు మార్చి దానికి భారీ బడ్జెట్ కేటాయించారు.

ఒక నిమిషానికి రెండున్న‌ర వేలు ఇవ్వాల్సింది కాస్త ప‌డి పన్నెండు వేలుగా ఇచ్చి.. మ‌రీ వీడియోల రూప‌క‌ల్ప‌న చేశారు. ఇదిలా ఉంటే సంక్షేమ ప‌థ‌కాల బ‌ట‌న్ నొక్కుడు కార్య‌క్ర‌మాల‌కు సిద్దం స‌భ‌ల‌క‌న్నా మించిన స‌భ‌లు ఏర్పాటు చేసి… వాటి ద్వారా జ‌నాన్ని పోగేసి సాంస్కృతిక కార్య‌క్ర‌మాల‌ను కూడా ఏర్పాటు చేశారు. వీటి ద్వారా కూడా జగన్ హయాంలో ప్రభుత్వ సంక్షేమాన్ని గతంలో ఎన్నడూ లేనంత ఎక్కువగా ప్రచారం చేశారు.

ఇందుకు ఒక ఎమ్మెల్సీ తన సిబ్బందితో ఈ కార్యక్రమాల్ని పర్యావేక్షించగా.. వాటిని నాటి మంత్రి పెద్ది రెడ్డి సూప‌ర్వైజ్ చేసేవారు. ఇందుకు రూ.కోట్లు ఖర్చు చేసేవారు. ఇక్కడ చెప్పుకోవల సిందేమిటంటే.. ఓట్ల కోసం చేసిన ప్రజాధనం ఖర్చుతోపాటు.. చేసింది చెప్పుకోడానికి అదన’పు ఖర్చు కూడా భారీ ఎత్తున జరిగేది. ఇంత చేసి తాను చేసింది చెప్పుకోలేక పోయానంటూ జగన్ ఆవేదన చెందడమేంటని నేటిజనులు తెగ శోధించారు. వారి శోధనలో జగన్ కూడా చెప్పుకోలేకపోయినవి..

ఎలుకలు పట్టడానికి కేటాయించిన రూ. 1. 6 కోట్లు, తాడేపల్లి ప్యాలెస్ చుట్టూ కంచె కోసం ఖర్చు చేసిన రూ. 12. 5 కోట్లు, ఎగ్ పఫ్ల కోసం రూ. 3. 6 కోట్లు, పాస్ పుస్తకాలపై తన ఫోటోల కోసం రూ. 13 కోట్లు, వైయ‌స్ విగ్ర‌హాల ఖ‌ర్చు రూ. 18 కోట్లు, స్కూళ్లు, ఇతర ప్రభుత్వ భవనాలకు వైసీపీ రంగులు వేసుకోవడానికి ఖర్చు చేసిన రూ.150 కోట్లు. తన పర్యటనల కోసం విమానాలు, హెలికాప్టర్ల కోసం ఖర్చు చేసిన రూ. 222 కోట్లు. వీటిని గురించే జగన్ చెప్పుకోలేకపోయారని నెటిజన్లు ట్రోల్ చేస్తున్నారు.

అంతేనా రుషికొండ ప్యాలెస్ కి రూ. 600 కోట్లు, బియ్యం సంచులు మోయడానికి రూ. 700 కోట్లు, సరిహద్దు రాళ్లపై ఫోటోలకు ఇంకో రూ. 700 కోట్లు కూడా జగన్ ప్రభుత్వ ధనాన్ని వెచ్చించారు. ఆ ఖర్చుల గురించి కూడా జగన్ జనాలకు చెప్పుకోలేకపోయారట. ఆ కారణంగానే వైసీపీ ఘోరంగా ఓడిపోయిందన్నది జగన్ భావన అని నెటిజనులు తేల్చారు. అవి చెప్పుకోలేకపోవడం వల్లనే కనీసం 11 స్థానాలైనా వచ్చాయనీ, వాటి గురించి కూడా ఘనంగా చెప్పుకుని ఉంటే, అవి కూడా వచ్చేవి కావని సామాజిక మాధ్యమంలో జగన్ పై పెద్ద ఎత్తున లింగ్ ట్రోఫీ.