డిసెంబర్ 30, 2025 10:46AMన పోస్ట్ చేయబడింది
రప్పరప్ప అన్న వారిని రప్పిస్తున్న పోలీసులు
వైసీపీ కార్యకర్తల మెడకు రప్పరప్ప కేసుల ఉచ్చు బిగుసుకుంటుంది. ఇష్టారీతిగా రప్పరప్పా అంటూ దౌర్జన్యాలకు తామంటూ జారీ చేయడమే కాకుండా, రప్పా రప్పా అంటూ ఫ్లెక్సీలు ఏర్పాటు చేసి ఆ ఫ్లెక్సీలకు మూగజావాలు బలి హెచ్చరికలు ఇచ్చి రక్తాభిషేకాలు రెచ్చిపోయిన కార్యకర్తలు, జగన్ అభిమానులు ఇప్పుడు కేసులను ఎదుర్కొంటున్నారు.
ఇటీవల జగన్ పుట్టిన రోజు సందర్భంగా పొటేళ్లను బలిచ్చి ఆయన ఫోటోలకు ఆ రక్తాన్ని తర్పణం చేశారు వైసీపీ అభిమానులు. అంతేనా హింసాత్మక కామెంట్లను ఫ్లెక్సీలపై పోస్ట్ చేసి.. వీరంగం ఆడారు. ఇప్పుడు ఆ విషయంలోనే వరుస కేసులతో ఉక్కిరిబిక్కిరి అవుతున్నారు. ఔను ఎక్కడెక్కడ ఎక్కడ రప్పా రప్పా అంటూ ఈ జంతు బలులు ఇచ్చారో అక్కడక్కడ అలా రక్తతర్పఫాలతో రెచ్చిపోయిన వైసీపీ నేతలు, కార్యర్తలపై కేసులు నమోద చేస్తున్నారు. ఇప్పటికే జగన్ కారణంగా జైళ్లకు పోయి వచ్చిన లీడర్ల సంఖ్య విపరీతంగా ఉంటే ఇప్పుడది కార్యకర్తల వరకూ పాకింది.
అంటే జగ’న్ ప్రాపకం కోసం కార్యకర్తలు చేసిన అతి వారిని కేసుల్లో ఇరుక్కునేలా చేసింది. అయినా రప్పారప్పా పోస్టర్లను, జంతు బలులను, రక్తాభిషూకాలు, రక్తతర్పణాలను అడ్డుకుని, వారిని మందలించాల్సింది పోయి, జగన్ వారిని ప్రోత్సహించడం వల్లే పరిస్థితి ఇంత వరకూ వచ్చిందని ఇప్పుడు వైసీపీ క్యాడరే తలలు పట్టుకుంటున్న పరిస్థితి. జగన్ తన కార్యకర్తలను కూడా క్రిమినల్స్ గానే అందంగా తీర్చిదిద్దిన భావనలో ఉన్నారు కాబట్టి వారిని ఎంతగా రెచ్చిపోతే అంతగా ప్రోత్సాహం అన్నట్లుగా వారిని రెచ్చగొడుతున్నారని పరిశీలకులు విశ్లేషిస్తున్నారు.
జగన్ పై కేసులు ఉన్నాయి.. అయితే ఆయన లీగల్ టీం కు కోట్లు చెల్లించి మరీ పనిచేస్తున్నారు. అయితే.. సామాన్య కార్యకర్తకు ఆ వెసులుబాటు ఉండదు. కేసుల్లో ఇరుక్కుంటే పార్టీ నుంచి ఇసుమంతైనా సాయం అందదు. దీంతో వారు జైళ్లకు వెళ్లక తప్పని పరిస్థితి ఏర్పడుతుంది. ఈ విషయం తెలిసి కూడా జగన్ కార్యకర్తలను క్రిమినల్ కార్యకలాపాలవైపు ప్రోత్సహిస్తున్నారన్న విమర్శలు వెల్లువెత్తుతున్నాయి.
ఇంతకీ ఇక్కడ చెప్పుకోవాల్సిన విషయమేంటంటే.. జగన్ తన హయాంలో అంటే అధికారంలో ఉన్న సమయంలో కార్యకర్తను పట్టించుకున్న పనాన లేదు. ఆ విషయాలన్నీ గుర్తు చేసుకుని వైసీపీ కార్యకర్తలు తీవ్ర ఆగ్రహం వ్యక్తం చేస్తున్నారు. జగన్ కోసం ఇంత చేస్తే వారికి జైళ్లు, కేసులూ బహుమతా అంటూ ఫ్రస్ట్రేషన్ కు గురౌతున్న పరిస్థితి.
