3
యంగ్ హీరో రామ్ పోతినేని తన కొత్త చిత్రం ‘ఆంధ్ర కింగ్ తాలూక’ ప్రమోషన్లలో భాగంగా, తనపై వస్తున్న డేటింగ్ రూమర్లపై స్పష్టత ఇచ్చారు. పి. మహేశ్బాబు దర్శకత్వంలో తెరకెక్కిన ఈ సినిమా నవంబర్ 27న విడుదలైంది. ఈ నేపథ్యంలో ఇచ్చిన ఓ ఇంటర్వ్యూలో ఆయన పలు ఆసక్తికర విషయాలు పంచుకున్నారు. ఈ చిత్రంలో రామ్ సరసన భాగ్యశ్రీ బోర్సే హీరోయిన్గా నటిస్తోంది. సినిమా షూటింగ్ మొదలైనప్పటి నుంచి వీరిద్దరూ డేటింగ్లో వారంటూ ప్రచారం. ఈ పుకార్లపై రామ్ స్పందిస్తూ, ‘ఈ సినిమా కోసం నేను ఓ ప్రేమ గీతం రాశాను. అప్పటినుంచే ఈ రూమర్స్ మొదలయ్యాయి. మనసులో ఏమీ లేకుండా అంత గొప్పగా పాట ఎలా రాస్తారని చాలా మంది అనుకున్నారు. కానీ నేను కేవలం సినిమాలోని పాత్రలను ఊహించుకొని ఆ పాట రాశాను. ఆ సమయానికి హీరోయిన్ను కూడా ఫైనల్ చేయలేదు’ అని వివరించారు.
