మిల్కీ బ్యూటీ తమన్నా తెలుగులో కాస్త దూకుడు తగ్గించిందని చెప్పొచ్చు. ఇప్పుడా అప్పుడా దాదాపు రెండు దశాబ్దాలుగా తమన్నా తెలుగు ఆడియన్స్ ని అలరిస్తూనే ఉంది. శ్రీతో తెరగేట్రం చేసి ఆ తర్వాత మళ్లీ హ్యాపీడేస్ తో రీ ఎంట్రీ ఇచ్చినప్పటి నుంచి వరుస సినిమాలతో అదరగొట్టేస్తూ వచ్చింది. యువ హీరోల దగ్గర నుంచి స్టార్ హీరోల వరకు అందరినీ కవర్ చేసింది తమన్నా. ఇప్పటికీ ఆమె తన సూపర్ ఫాం కొనసాగుతుంది. తెలుగుతో పాటు తమిళ్, హిందీ సినిమాల్లో కూడా తమన్నా హవా కొనసాగింది. ఐతే టాలీవుడ్ లో తమన్నా హీరోయిన్ గా చేస్తూనే స్పెషల్ సాంగ్స్ తో స్పెషల్ క్రేజ్ తెచ్చుకుంది. ఒకానొక దశలో స్పెషల్ సాంగ్ అంటే ఇంకెందుకు తమన్నా ఉంది కదా కానిచ్చేద్దాం అన్న రేంజ్ క్రేజ్ తెచ్చుకుంది. ఐతే తమన్నా స్పెషల్ సాంగ్ చేసి ప్రత్యేకంగా తెలుగు సినిమాలో ఐటెం సాంగ్ చేసి చాలా రోజులైంది. అందుకే ఆమె స్పెషల్ సాంగ్ తో ఆడియన్స్ కి మంచి ట్రీట్ అందించిన ఫిక్స్ అయ్యారు. అది కూడా తమన్నాని సెంటిమెంట్ గా ఫీల్ అయ్యే ఒక డైరెక్టర్ తన సినిమాలో ఈ సాంగ్ ప్లాన్ చేస్తున్నారు. పటాస్ నుంచి సంక్రాంతికి వస్తున్నాం వరకు హిట్ కి కేరాఫ్ అడ్రస్ గా మారిన డైరెక్టర్ అనిల్ రావిపూడి ప్రస్తుతం మెగాస్టార్ చిరంజీవితో మన శంకర వరప్రసాద్ సినిమా చేస్తున్నారు. ఈ సినిమాలో తమన్నా స్పెషల్ సాంగ్ ఒకటి ప్లానింగ్ ఉందని టాక్. అనిల్ రావిపూడి చేసిన ఎఫ్2, ఎఫ్3 సినిమాల్లో తమన్నా నటించింది. తనకు ఆమె హిట్ సెంటిమెంట్ గా కనిపించాడు అనిల్ రావిపూడి. అందుకే ఆమెను మన శంకర వరప్రసాద్ లో అలా స్పెషల్ సాంగ్ లో తళుక్కున మెరిసే ఏర్పాటు చేస్తున్నారట.
ఏటీఎం వ్యాన్ నుంచి రూ.7.11 కోట్ల లూటీ
పిన్కోడ్కు గుడ్బై చెప్పండి.. భారత్లో కొత్తగా డిజి పిన్
